O portugués Gui Guedes aínda confía na reacción do Lugo

Esta mañá compareceu Gui Guedes na sala de prensa do Anxo Carro. O medio portugués analizou o momento do equipo, e a semana de traballo previa ao duelo fronte ao Real Oviedo. Móstrase consciente da dificultade do envite, e espera unha melloría do equipo a partir deste encontro:

"O máis importante é gañar confianza. Estou a ter minutos, e sigo traballando en todo momento. O fútbol é así, e é o fundamental para poder axudar ao grupo".

"Cada adestrador ten o seu estilo. Adaptámonos á idea de Íñigo, e estamos a traballar sobre o que nos pide".

O portugués confía na reacción do Lugo:

"Será un partido intenso, aquí os de abaixo gañan aos de arriba, é igual Oviedo ou outro".