Galicia pecha 2022 con 10.362 parados menos
Galicia pecha 2022 con 10.362 parados menos
Queda con 142.222 desempregados en decembro, a cifra máis baixa da serie histórica
O desemprego baixa no conxunto do Estado en 268.252 persoas e queda en 2,83 millóns de parados, a súa menor cifra en 15 anos
O paro reduciuse en 43.727 persoas en decembro en España, o menor descenso deste mes da última década
O PP tilda a Sánchez de trileiro por ocultar os datos dos fixos discontinuos que non traballan
O mercado laboral terminou en 2022 con 471.360 afiliados máis que un ano antes levando o total de ocupados a 20,29 millóns, mentres que o paro descendeu en 268.252 persoas ata os 2,83 millóns, a cifra máis baixa desde 2007.
De acordo cos datos facilitados este martes polo Ministerio de Traballo, en decembro o paro descendeu en 43.727 persoas en relación co mes anterior, "nun contexto económico internacional que segue marcado pola incerteza".
En canto á Seguridade Social, só en decembro a afiliación media creceu en 12.640 ocupados respecto a novembro, unha cifra inferior ao doutros anos que apunta a unha certa retardación do mercado ao peche do exercicio.
O paro baixa en Galicia en 10.362 persoas
O paro rexistrado nas oficinas dos servizos públicos de emprego rexistrou en 2022 en Galicia un descenso de 10.362 persoas (-6,79 %, fronte ao -8,6 % da media), segundo os datos que publica este martes o Ministerio de Traballo e Economía Social.
O total de desempregados en Galicia sitúase en 142.222, que son 536 menos que en novembro, o que supón un descenso intermensual (de novembro a decembro) do 0,38 %.
O mercado laboral terminou 2022 con 9.479 afiliados máis que un ano antes, o que leva o número de ocupados a 1.042.263 persoas.
.png)
.png)
.png)
.png)
