O papa mantense "estable" e recibindo "altos fluxos" de osíxeno

As condicións clínicas do papa Francisco mantivéronse "estables" este martes, no seu décimo noveno día ingresado no hospital Gemelli de Roma, tras as dúas crises de insuficiencia respiratoria da véspera.

"Na xornada de hoxe as condicións clínicas do Santo Padre mantivéronse estables. Non presentou episodios de insuficiencia respiratoria nin broncoespasmo", informou a Santa Sé no seu boletín diario.

O pontífice, con todo, segue recibindo "altos fluxos" de osíxeno e esta noite retomará a ventilación mecánica non invasiva.