O outono maniféstase en Lugo en forma de néboa e 4° de temperatura pola mañá

Lugo amenceu a mañá deste sábado cuberta pola néboa, o que ampliou a sensación de frío na localidade.

Houbo que sacar as pezas de abrigo do armario. Hoxe é un día propio de outono.

En Sarria e Cospeito a mínima foi de un grao; en Monforte e Becerreá os termómetros marcaban dous, catro na capital ou na Fonsagrada e cinco en Abadín.

É tempo de prender a calefacción, pero pode que a factura nos deixe xeados porque o litro de gasóleo case duplicou o do ano pasado.