O Obradoiro tentará dar un paso decisivo para a salvación en Zaragoza

O Obradoiro visita este sábado o Zaragoza, ao que lle gañara por tres puntos no primeiro partido da temporada. Os de Porfirio Fisac veñen de gañarlle ao Barcelona e pasan por un bo momento á procura da permanencia.

No Obradoiro, David Walker, que xa traballa co grupo, podería entrar na convocatoria. Tamén Álex Suárez, que sufriu unha leve escordadura de nocello. Se non hai novidades, Moncho Fernández viaxará o venres cos doce xogadores do primeiro equipo.