O nomeamento de Mónica Martínez como responsable de Deportes do Concello da Coruña é nulo
O TSXG di que o nomeamento de Mónica Martínez non é válido segundo a normativa contra o transfuguismo
Mónica Martínez presentárase ás eleccións na lista de Ciudadanos, pero pasou ao grupo de non adscritos e logo integrouse no Goberno municipal de Inés Rey
A actualidade política tamén nos leva ao Concello da Coruña. O Tribunal Superior de Xustiza de Galicia confirmou que o nomeamento de Mónica Martínez como responsable de Deportes é nulo, segundo a normativa contra o transfuguismo.
Mónica Martínez presentárase ás eleccións na lista de Ciudadanos, pero pasou ao grupo de non adscritos e logo integrouse no Goberno municipal de Inés Rey, unha medida que se traduciu en novas responsabilidades e máis ingresos.
O tribunal non deu validez a esa integración e, ademais, obriga a Martínez a devolver as cantidades económicas que percibiu derivadas do cargo que ocupaba. Tamén terá que aboar as custas xudiciais.
