O mundo da navegación aérea ao alcance de calquera grazas ao Criterium Aeronáutico
Sobrevoar a muralla romana en avioneta ou tirarse en paracaídas son algunhas das posibilidades que ofrece
O simulador de voo do CIFP As Mercedes de Lugo é outro dos reclamos
O aeródromo de Rozas acolle o evento, que exhibe aeronaves históricas
Pouco aire e ceo azul. O día está perfecto para gozar dos voos acrobáticos, que captan tódalas miradas entre o público asistente ao Criterium Aeronáutico, que acolle ata o domingo o aeródromo de Rozas, en Castro de Rei.
Unha cita que permite subir nunha avioneta. "Imos o meu sobriño, unha amiga e máis eu", comenta este veciño que se achegou dende Lugo, quen confesa que tiña moitas ganas dende hai moitos anos".
Un dos pilotos é Roberto Sedes "é unha viaxe de media hora que permite ver dende o aire a muralla de Lugo".
Porque o Criterium Aeronático permite cumprir soños, como o de tirarse en paracaídas. Organízaos a empresa de Hugo Sousa, quen explica que proporcionamos unha experiencia única, como recoñecen os que se animaron
"A saída do avión impresiona un pouquiño e a caída libre, pero perfecto, experiencia recomendable".
Outra experiencia máis tranquila, pero tamén "incrible" é a que ofrece o simulador de voo desenvolvido polo Centro Integrado de Formación Profesional As Mercedes de Lugo.
O aeródromo de Rozas acollerá ata o domingo exhibicións de aeronaves e permitirá contemplar as de loita contra o lume do Exército de Aire ou o globo aerostático da Federación Aeronáutica.
Tamén reúne auténticas xoais da aviación. Hainos dos anos 30, de tea e madeira, co único motor como único elemento metálico explica Fran Abelleira, presidente do Real Aeroclub de Lugo e organizador do Criterium Aeronáutico, quen destaca tamén o primeiro helicóptero de uso civil que houbo "Ata o ano 1948 eran helicópteros militares, este é o primeiro de uso civil".
Curiosidades e oportunidades que ofrece estes días o aeródromo de Rozas para achegar ao público a cultura aeronáutica.
