Imputan dous detidos pola policía francesa pola súa presunta participación no roubo de xoias do Museo do Louvre o pasado 19 de outubro.

O xuíz que instrúe o caso decretou o seu ingreso en prisión provisional, segundo informou este mércores a Fiscalía de París.

Ambos foron formalmente acusados de “roubo en banda organizada e asociación de malfeitores con intención de cometer un delito”.

Os dous sospeitosos, baixo custodia policial desde a fin de semana pasada, son un home de 34 anos de nacionalidade alxeriana, residente en Francia desde 2010, e outro francés de 39 anos orixinario de Aubervilliers, nos arredores de París.