Planas: "Os xuristas desaconsellaron pedir a suspensión cautelar do veto á pesca de fondo"

O ministro de Agricultura e Pesca Luis Planas di que cómpre modernizar os barcos para facer máis atractivo o traballo para a xente nova, e tamén máis seguro e con sistemas enerxéticos máis eficientes grazas aos novos combustibles.

Ademais, Planas defende que os avogados do Estado recomendaron non pedir unha suspensión cautelar da norma comunitaria que prohibe pescar en 87 zonas do cantil europeo, unha norma que prexudica especialmente os palangreiros da Mariña.

Planas argumenta que, segundo os expertos, o tribunal de xustiza da Unión Europea non adoita suspender normas de forma provisional. Segundo o ministro, o importante é que anule definitivamente a prohibición, aínda que haxa que agardar.