O Mecalia destitúe a Cristina Cabeza e volve confiar en Ana Seabra

O Atlético Guardés anunciou a destitución da adestradora Cristina Cabeza, na mesma semana en que o equipo vai disputar a fase final da Copa da Raíña. Ana Seabra, a segunda adestradora, colle os mandos do equipo.

A portuguesa xa adestrara o ano pasado o conxunto de División de Honra e con moi bos resultados. Conseguiu endereitar o rumbo na Liga e chegou a unha final europea por primeira vez na súa historia.