Novo recital de Alejandra Neira en Sabiñánigo: a santiaguesa gaña a proba en liña e conquista o dobrete

A ciclista galega Alejandra Neira proclamouse campioa nacional en ruta júnior no marco dos Campionatos de España, que se celebran en Sabiñánigo (Huesca) entre o 25 e o 28 de xuño, completando o dobrete despois de facerse co ouro tamén en contra o reloxo.

Neira sucede así a navarra Paula Ostiz, campioa desta categoría en 2025 e que agora compite entre a ciclistas elite UCI. O segundo posto foi para a representante da Comunitat Valenciana Gemma Toledo, que fora décimo oitava en 2018. Terceira terminou a catalá Lluna Jiménez, cuarta na crono do xoves.

"Agora mesmo non o creo. Intentei rebentar a carreira na subida, estaba a facer dano. Contentísima de chegar en solitario, unha fin de semana redonda, non podo estar máis contenta. Agora acabar a tempada júnior ao grande e un salto enorme ao equipo Movistar, que aínda non mo creo", declarou Neira á RFEC.

#CESabiñanigo26 | Alejandra Neira se marcha de Sabiñánigo con un doblete bajo el brazo 🙌

👉 "No me lo creo, aunque sabía que este año tenía opciones y quería vencer en solitario". pic.twitter.com/OP29KnrqZF

— Real Federación Española de Ciclismo (@RFECiclismo) June 26, 2026