O Guardés celebra a European Cup ante a súa afección coa incerteza sobre o seu futuro presente
O equipo do Baixo Miño fixo un percorrido pola Guarda nun autobús descapotable rematando cunha recepción no Concello
O Presidente Jesús López expresou a súa preocupación tras coñecerse que Mecalia deixará o patrocinio do club
O Guardés rematou esta tarde coas celebracións tras acadar a European Cup cun percorrido en autobús descapotable polas rúas da vila pontevedresa. A celebración comezou ás 19.15 coa saída do autobús do equipo desde o pavillón municipal. As xogadoras percorreron as principais rúas da localidade para compartir coa cidadanía un logro sen precedentes no deporte galego. O itinerario incluía varias paradas simbólicas ao longo do percorrido urbano, entre elas unha na zona de Ou Gallo, onde o equipo descendeudo autobús para dirixirse á igrexa e realizar unha ofrenda floral. Posteriormente, a comitiva continuou o seu traxecto por distintas rúas do municipio ata regresar ao punto de saída, desde onde as xogadoras completaron a pé o último tramo ata o Concello, con chegada prevista ao redor das 20.30 horas.
Antes de iniciar o percorrido o Presidente Jesús López atendeu os micrófonos da Galega para recoñecer a súa preocupación pola viabilidade futura do club:
"Ao faltar o patrocinador principal , Mecalia, para a próxima temporada hai que buscarse outro. Senón hai solución, sería triste , pero senón é posible haberá que apartarse do club. Non sei o que vai pasar "
