A TVG reforza seu compromiso co futbol galego coa retransmisión dun mínimo de 53 partidos
A cadea pública ofrecerá 12 encontros do Celta Fortuna na Liga Hypermotion e 41 partidos de 1ª Federación de equipos galegos
Tamén se ofrecerán os encontros do playoff
As instalacións da TVG acolleron a presentación oficial, coa presenza de destacados representantes dos seis clubs
A Corporación de Servizos Audiovisuais de Galicia (CSAG) presentou hoxe nos seus estudios a súa ambiciosa aposta televisiva polo fútbol galego para a presente tempada. A Televisión de Galicia (TVG) emitirá un total de 53 encontros correspondentes á Liga Hypermotion e á 1ª Federación, reforzando de forma decidida o seu apoio ao deporte autonómico e asegurando a cobertura en directo dos principais representantes do fútbol da comunidade.
Dentro da programación acordada, a cadea pública ofrecerá 12 partidos do Celta Fortuna na Liga Hypermotion, permitindo aos afeccionados seguir de preto a andaina do filial celeste na categoría de prata. Así mesmo, a cobertura completarase coa retransmisión en directo de 41 enfrontamentos de 1ª Federación, categoría na que compiten cinco dos clubs de maior tradición e historia do fútbol galego: a UD Ourense, o Racing Club de Ferrol, o CD Lugo, o Pontevedra CF e o RCD Fabril.
Con motivo desta cobertura especial, o plató principal da TVG acolleu un acto institucional de presentación que reuniu adestradores e capitáns das distintas entidades deportivas:
-
Fredi Álvarez, adestrador do Celta Fortuna.
-
Juan Carballo, adestrador da UD Ourense
-
Javi Vázquez, adestrador do Racing Club
-
Manuel Pablo, adestrador do RCD Fabril
-
Borja Fernández, adestrador do CD Lugo
-
Álex González, capitán do Pontevedra CF
Durante a presentación, reafirmouse o compromiso da CSAG cos valores do deporte local.
