O maior carillón itinerante do mundo soa en Tui

As campás do carillón Lusitanus, o máis grande do mundo, repenicaron este serán na eurocidade Tui-Valença.

Só existen uns 20 carillóns itinerantes no mundo e este é o máis grande de todos.

É de bronce e pesa 700 quilos. Ten 63 campás de diversos tamaños dirixidas pola artista portuguesa Ana Elías.

Centos de persoas achegáronse  a escoitar este instrumento tan especial.

A sorpresa chegou cando o público recoñeceu as pezas que soaban, algunhas tan clásicas como a 'Para Elisa', de Beethoven.

Un momento especialmente emotivo foi a interpretación de 'Marigolds', unha homenaxe á dramática situación que atravesa o pobo ucraíno.