A pianista compostelá Isabel Dobarro, gañadora do Latin Grammy a Mellor Álbum de Música Clásica

A pianista compostelá Isabel Dobarro foi unha das gañadoras dos Latin Grammy que se celebraron este xoves en Las Vegas. A galega alzouse co premio a Mellor Álbum de Música Clásica polo seu traballo 'Kaleidoscope' (Naxos-Grand Piano).

Con esta obra, Dobarro buscaba reivindicar o talento feminino, "moitas veces silenciado" no ámbito da música clásica. Para iso, reuniu obras dalgunhas compositoras contemporáneas ás que admira de todo o mundo. Ademais, o disco pecha cunha peza inspirada no folclore galego, 'Alalá dás paisaxes verticais', composta pola tamén galega, Carme Rodríguez.

Isabel Dobarro, o pasado outubro no programa Zigzag de TVG

Dobarro aceptou o premio visiblemente emocionada e no seu discurso quixo dedicarllo a toda a súa familia, especialmente ao seu marido, á súa irmá e ao seu sobriño, e sobre todo aos seus pais, dos que destacou o seu apoio e o seu ánimo desde que a levaron aos seus primeiros concertos no Auditorio de Galicia de Santiago.

A pianista galega, en Santiago de Compostela en 2019 (TVG)