O lume queimou centos de colmeas en Quiroga
As poucas abellas que quedan vivas non saen porque non teñen que chuchar
O lume que arrasou a terceira parte do concello de Quiroga este mes de agosto levou por diante tamén toda a fauna que había nese territorio.
Dentro da fauna tamén están os invertebrados coma os insectos, as abellas que chuchaban as uceiras que había nesa zona.
O lume arrasou con todas as colmeas que tiña nunha determinada zona da montaña quiroguesa o apicultor Manuel, agás unha ducia delas que estaba acubillada baixo uns carballos que zafaron do lume.
Para Manuel os incendios foron unha desgraza inconmensurable para a flora e a fauna da zona, algo que ten, tamén "efectos terribles" na apicultura que había asentada nesta montaña e que se alimentaba das uceiras que había na serra quiroguesa.
Neste albar apenas quedan unhas colmeas vivas, pero as abellas non saen, xa que non teñen a que porque non hai flores que chuchar, co cal non se poden reproducir, e tampouco saen porque as velutinas estanas esperando para colmeas.
