O lume afástase das aldeas de Quiroga despois dunha noite complicada

O incendio que máis preocupa é o que se orixinou en Larouco e que se estendeu a un total de dez concellos de Valdeorras, e ao de Quiroga, en Lugo. En varias aldeas desa zona pasárono moi mal onte á tarde, ao reactivárense as lapas. Agora a situación está algo máis tranquila pero esta pasada noite houbo varias aldeas ameazas polo lume en Quiroga.

En Bendollo en vivíronse horas complicadas. O lume reavivouse e non foi controlado ata a madrugada. "As lapas eran enormes e achegábanse as casas", di un dos veciños de Bendollo.

En Quiroga houbo que empregarse tamén a fondo noutras aldeas de Quiroga, como Centeais. Houbo que empregarse tamén a fondo noutras aldeas de Quiroga, como Centeais. "Eu non sei que pasa, que semella tranquilo, marchamos comer, e pola tarde reavívase o lume e volta a empezar". José Luis Rivera, alcalde deste concello lugués, comenta que a pesar de que parece todo estabilizado "de pronto levántase vento e volven as lapas con forza".

O incendio, que se iniciou en Larouco e atravesou o Sil cara a Quiroga, segue tamén con varios focos activos na comarca de Valdeorras. Ramón Recamáns, director técnico de extinción da Xunta, dixo dende o posto de mando de Quiroga que nas últimas vinte e catro horas o lume non superou a liña de control que se estableceu, o que é unha moi boa noticia porque "cada vez temos menos fronte e logrouse perimetrar gran parte do incendio. Polo tanto podemos dicir que temos zonas que están estabilizadas pero iso non quere dicir que o lume estea controlado aínda".

A complicada orografía é un factor que xoga en contra dos labores de extinción. Este incendio, que ameaza a serra do Courel, reserva da biosfera, é o máis grande rexistrado en Galicia.