Publicador de contidos

Publicador de contidos

O Lugo ten que mellorar a eficacia ofensiva para ter opcións de salvación

O Lugo ten que mellorar a eficacia ofensiva para ter opcións de salvación

Só leva un gol nos últimos cinco partidos

Foto @CDeportivoLugo
G24.gal 14/04/2023 15:08 Última actualización 14/04/2023 15:11

Íñigo Vélez de Mendizábal, adestrador do Lugo, advertiu da "rendibilidade" que saca o Oviedo, o seu próximo rival, aos goles que anota, xa que con só un máis a favor que os galegos lles saca 16 puntos na clasificación:

"O Oviedo saca moita rendibilidade aos seus goles e a nós é o que nos gustaría, tentar marcar algún gol e rendibilizar o traballo defensivo. Nese aspecto somos dous equipos parecidos".

O técnico leva cinco partidos no equipo e o seu balance é de catro empates e unha derrota, con só un tanto a favor, tres en contra e tres porterías a cero: 

"Xeramos ocasións para levar máis dun gol, pero non os houbo. Hai que confiar en que nun momento dado esas oportunidades que non entraron van entrar", desexou.

O preparador vasco comentou que a súa "idea é ter máis balón, seguir mellorando en todos os aspectos e non ter a pelota por tela, senón para sentirse máis cómodos con ela".

Íñigo Vélez dixo que está centrado no presente e non no que pasará unha vez acabe a tempada:

"Vin cunha ilusión que manteño. Estou moi contento en Lugo a pesar da situación, contento co día a día, e fodido porque me gustaría sacar máis os xogadores máis alá de que competimos e non perdemos".

Publicidade
Publicidade
Publicidade
Publicidade
Pódeche interesar

Publicador de contidos