O Lugo confirma a Carlos Pita como director deportivo

O C. D. Lugo comunica que Carlos Pita e Wagner Molina incorporaranse na presente tempada como máximos responsables da parcela deportiva do club. Un equipo de traballo, que xa se atopa inmerso nas súas funcións, e que une a experiencia combinada de ambos os profesionais.

Pita, que finalizaba a súa histórica traxectoria a pasada campaña, tras doce tempadas defendendo a camiseta albivermella, comandará o departamento xunto a Molina, quen desempeñou diferentes labores ao longo da súa traxectoria no club, exercendo como analista, scouting e secretario técnico.