O Lugo comeza a Primeira Federación con vitoria
Un gol de Aguza no 81 deulle o triunfo aos de Munitis
Único equipo galego que comezou a categoría con vitoria
Comeza ben o ano o equipo de Munitis tras unha vitoria moi traballada no Anxo Carro.
O Lugo presenta a súa candidatura a ser un dos equipos da zona alta na Primeira Federación. Comezaba o encontro de maneira moi disputada e non existiu un dominador claro na primeira metade.
Castillo adiantou ao Teruel na súa única ocasión no minuto 29 e Ledesma igualou no 33 nun balón parado nun dos poucos achegamentos do conxunto lucense.
Arrancou a segunda metade e o conxunto de Munitis mellorou. Xerou máis oportunidades e Aguza aproveitou un balón caído no bordo da área. 2-1 no minuto 81.
Puido aumentar a diferenza e rematar o encontro pero perdoaron... e case o pagan.
O Teruel tivo o empate na última xogada, mais non materializou a oportunidade.
Vitoria no Anxo Carro e o Lugo comeza con 3 puntos.
