O Liceo xoga o segundo partido da final da OK Liga ante o Igualada
Os de Juan Copa toman vantaxe na serie ao mellor de 5
Esta tarde (20:30 h G2 e AGalega.gal), segundo partido da final
Foi nunha das primeiras xogadas do partido. Acabado de comezar. Este disparo de Nuno Paiva xa adiantaba ao Liceo e avanzaba o que ía ser unha noite ideal.
A cita era crucial para achegar o título da liga á Coruña, e o equipo de Juan Copa foi unha máquina perfecta de destrucción.
O 2 a 0, de Dava Torres, xa no minuto 3. Castigo duro a un Igualada que non estivo á altura, sometido en todo momento. Acusou seguro os seus cinco partidos ante o Barça.
Tivo que parar o partido Marc Muntané e así de anoxado estaba co que vía. E o que lle faltaba por ver.
Un Liceo voraz, no que se exhibe o cairo máis agudo do momento: Bruno Saavedra. O xogador compostelán marcou o terceiro á contra nunha demostración de forza e técnica.
O cuarto entrou como coitelo en manteiga, cun disparo de Nuno Paiva, que volvía bater a Arnau Martínez na sua noite coruñesa a esquecer.
Terán pesadelos con Bruno Saavedra. Porque lles marcou ata en desequilibrio. E non só polos seus goles, que leva 9 nas eliminatorias polo título, senón pola súa fame e ambición.
Para mostra o sexto gol do Liceo. Aínda antes do descanso. Bruno Saavedra perdeu a bola ante a presión rival. Pero sae tralo ladrón como un can de presa. Persegue, acosa e morde. Limpamente, recupera a bola e todo Riazor sabe que o desquite vai culminar co gol. Marcouno Cesar Carballeira. Honrando o escudo do que quere despedirse pola porta grande, antes de iniciar a súa etapa portuguesa.
Non houbo cor no partido. No Igualada só falaban os xogaores intentando evadirse da crise.
Na segunda parte o Liceo fixo dúas concesións ao equipo catalán, para o seu xogador mais en forma Biel Llanes. Pero tamén marcou dous goles máis ata o 8 a 2 final.
Primeiro golpe na mesa do favorito ao título. Pero precisa dúas vitorias máis. Intentarán reeditar a imaxe esta tarde de novo na casa, ante una Igualada, que chegará danado pero, ollo, máis descansado.
Intensidade á que se lle suman os amperes da bancada do pazo. Corrente contínua que repetirá mañá para intenar meter nas maletas con dúas vitorias antes da cita dobre en Igualada.
