O Imserso volve con 199.000 prazas en balnearios para o 2027

O Instituto de Maiores e Servizos Sociais (Imserso) abre o prazo para solicitar as 199.000 prazas para estancias dunha duración de 10 días e 9 noites con pensión completa. No programa de termalismo de 2027 inclúense 2.000 prazas adicionais que na tempada anterior.

Participan 87 balnearios de todo o país e os viaxes poderán realizarse entre o 1 de febreiro e o 14 de decembro do 2027, segundo informa o Ministerio de Dereitos Sociais, Consumo e Axenda 2023.

Pese a publicarse toda a oferta dunha vez, existen dous prazos diferentes para solicitar praza. Aqueles que pretendan ir a algún balneario a través do Imserso entre febreiro e agosto do 2027 deberán solicitala ata o 5 de decembro. Mais, terán ata o próximo 12 de maio aqueles que pretendan ir entre setembro e decembro do 2027.

O programa inclúe aloxamento, pensión completa, recoñecemento médico ao ingresar no balneario, tratamento termal, seguimento médico, actividades de ocio e tempo libre e póliza de seguro; todo incluído no prezo total, que oscila entre os 322 e os 477 euros.

Imserso, unha iniciativa para "mellorar a calidade de vida das persoas beneficiarias"

Segundo lembrou o ministro de Dereitos Sociais, Consumo e Axenda 2030, Pablo Bustinduy, o programa de termalismo creouse en 1989 para "mellorar a calidade de vida das persoas beneficiarias, facilitándolles o acceso a balnearios a prezos accesibles".

Ademais, destaca no papel dinamizador da economía que supón a iniciativa grazas á xeración de actividade económica e emprego desestacionalizado no sector termal, especialmente no ámbito rural.