Cinco traballadores atropelados por un camión que invadiu a beirarrúa xunto a Mercamadrid

Cinco operarios que estaban traballando no asfaltado da estrada xunto a Mercamadrid resultaron feridos, un deles de carácter grave, tras seren atropelados por un camión de mercadorías que invadiu a beirarrúa.

O atropelo tivo lugar arredor das dúas da tarde cando, por causas que investiga a Policía Municipal, o camión saíu da vía.

O ferido grave ten traumatismo cranioencefálico e foi trasladado ao hospital 12 de Octubre; outros dous sufriron feridas de carácter moderado e foron trasladados en ambulancias do Samur ao Gregorio Marañón e ao Clínico.

Os outros dous atropelados foron trasladados a La Paz con prognóstico leve.