Cargando resultados...
Falece un home de 70 anos nun accidente mentres cortaba leña na Laracha
Unha árbore que estaba cortando caeulle enriba e, ao tratar de esquivala, caeu e cortouse coa súa propia motoserra
Imaxe de arquivo
G24.gal
03/11/2026 17:56
Última actualización 03/11/2026 18:56
Un veciño da Laracha de 70 anos faleceu este martes mentres cortaba leña nun terreo da súa propiedade.
O suceso ocorreu no lugar do Priorato pouco despois das 11 da mañá.
Todo parece indicar que unha árbore que estaba cortando lle caeu enriba e, ao tratar de esquivala, caeu e cortouse coa súa propia motoserra.
Ata a zona acudiron efectivos do 061 e persoal médico da Laracha. Tamén a Garda Civil, Protección Civil e Policía Local.
A pesar dos esforzos, o persoal sanitario non conseguiu salvarlle a vida.
O corpo foi trasladado ao Instituto de Medicina Legal de Galicia para facerlle a autopsia.
