O Festival de Cine de Berlín acolle tres filmes de creación galega

O cinema galego ten máis presenza ca nunca no Festival de Cine de Berlín. 

Desde este venres prográmase neste certame dúas películas participadas pola televisión de Galicia: 'Matria', de Álvaro Gago, que ten como protagonista unha traballadora arousá; e 'Sica', de Carla Subirana, a historia dunha filla que espera que o mar lle devolva o seu pai, un mariñeiro desaparecido.

Nesta edición histórica para o cinema galego tamén participa o director vigués Lois Patiño coa película experimental 'Samsara'.