O elevado prezo da cesta da compra leva algúns consumidores a cambiar hábitos

Cambiar os produtos que mercamos habitualmente por outros que mercamos menos, pero que son máis baratos. É unha opción que está resultando en parte complexa ultimamente porque practicamente todo o que vemos nas tendas de alimentación, está máis caro do que estaba. E os prezos seguen á alza.

As materias primas están máis caras, os combustibles tamén, os transportes, a enerxía. Todo iso repercute na cesta da compra. Tomates, ovos, peras, mazás, aceite de oliva, carne de ave. O arroz e a pasta tamén están máis caros.

As grandes marcas de alimentación recoñecen que ou subiron xa os prezos dalgúns dos seus produtos principais, ou que teñen pensado facelo de xeito inminente.