O 26 de xullo lembra o papel das avoas e dos avós no seo das familias

Desde hai vinteoito anos tal día coma hoxe, o 26 de xullo, celébrase o día internacional dos avós.

O seu apoio aos netos tradúcese no tempo que pasan con eles pero nos últimos anos tamén en soporte económico. 

O informe sobre a Solidariedade Intrafamiliar das Persoas Maiores determina que en España o 42% axudan aos fillos e netos.

Os avós e as avoas son a imaxe da amorosidade, da tenrura e hoxe, da implicación e mesmo da responsabilidade na crianza dos netos. 

O día internacional dos avós celébrase desde 1998 a proposta da ONG Mensaxeiros da Paz.