O descenso da incidencia minora en España

O descenso da incidencia acumulada por coronavirus en España baixa só 8 puntos no último día, ata os 435 casos, tras sumar 23.149 novos contaxios, o que denota unha desaceleración no descenso da curva epidemiolóxica, mentres segue a alta notificación de mortes con outros 285 falecementos.

Os datos do Ministerio de Sanidade apuntan tamén que o indicador da incidencia a 7 días elévase novamente e faino en 6 puntos, ata os 205 casos, tras comezar a subir desde o xoves pasado, cando se atopaba nos 192.

Soben a 13.942 os decesos consignados desde mediados de outubro e a 100.859 desde o inicio da pandemia.