O Deportivo aumenta a tres puntos a vantaxe á fronte da 1ª RFEF
Tirou proveito do empate do Arenteiro no campo do filial do Barcelona
O Lugo, en crise de resultados, visitará o campo do Celta Fortuna na vindeira xornada
Quedan sete xornadas e o Deportivo aumenta a 3 puntos o seu colchón de líder. En Riazor ante o Unionistas e aínda sen Lucas Perez logrou a súa terceira vitoria seguida. Pola mínima, grazas ao disparo de José Ángel que desvía o xusto Barbero para marcar o seu oitavo gol. O marcador quedou curto para os méritos dos de Idiakez.
Riazor acollerá catro dos sete partidos que quedan, incluído o Barca B, que é segundo pero deixou dous puntos atrás esta xornada diante do Arenteiro. Mérito do equipo galego que conseguiu igualar o gol local, obra de Olmedo, Marcou Manín pra o equipo do Carballiño. Un punto espectacular se non fose pola lesión do porteiro Diego García. Sucedeu de maneira fortuíta, nun saque de porta. Posible rotura do tendón de Aquiles.
O Arenteiro está tranquilo na sétima praza, pero o Lugo na novena ten agora máis preto o descenso, a seis puntos, que a promoción, a 13. Perdeu co Tarazona no Anxo Carro, derrota pola mínima pero moi dolorosa para Trahorras.
O Lugo visita o Celta Fortuna que repite en Balaídos despois de golear o Osasuna Promesas. Dous goles de Pablo Durán outro de Raúl Blanco e outro de Javi Rueda. Os celestes reafirman a súa candidatura a xogar o playoff.
