O Lugo confirma a fichaxe de Borja Fernández
O adestrador ourensán chega tras acadar dous ascensos consecutivos coa U. D. Ourense
Asina por unha temporada co obxectivo de devolver os albivermellos ao fútbol profesional
Era un segredo a voces. E Club Deportivo Lugo confirmouno. Borja Fernández é o novo adestrador dos albivermellos. O ourensán chega a cidade da muralla tras dúas temporadas e media exitosas á fronte da U. D. Ourense, onde disputou un play off de ascenso a Segunda RFEF tras chegar mediada a temporada na primeira campaña, acadando logo dous ascensos consecutivos e ascendendo ata a Primeira RFEF co conxunto da cidade das Burgas.
Borja asina por unha temporada e co obxectivo de retornar á Segunda División. Os lucenses estiveron once temporadas consecutivas na categoría de prata do fútbol español pero levan tres campañas onde non foron quen de entrar na loita polo ascenso a segunda división. A presentación do técnico terá lugar este mercores a partir das 12:00 no estadio Anxo Carro.
