O Deportivo afaise aos triunfos no minuto 90
O Deportivo afaise aos triunfos no minuto 90
Quiles anotou no último intre o gol da vitoria no campo do Zamora (0-1)
Quinto triunfo consecutivo para os coruñeses, tres deles decididos con goles no noventa
Un gol de Quiles no minuto 90 permite que o Deportivo manteña un ritmo infernal á fronte da Primeira Federación (0–1). No partido, mereceu mellor sorte na primeira metade pero pasouno mal no segundo tempo.
O dominio do Deportivo foi total nos primeiros 45 minutos. William de Camargo tivo un gran disparo no minuto 20 e o central Jaime dispuxo doutra boa no 22. No 35 chegou a mellor oportunidade cun lanzamento de Quiles que foi ao pau.
A segunda parte deixounos outro plan de partido do equipo local, máis ambicioso e apertando máis arriba. O Dépor non chegou con tanta claridade á porta contraria e pasouno mal en certos momentos, aínda que sen achegamentos demasiado claros.
No último minuto Quiles conseguiu o gol do triunfo, un tanto que deixou un incidente na bancada, con máis de 20 seguidores que caeron a un foxo logo de romper un balado. Afortunadamente non houbo consecuencias graves.
Se ha caído la valla protectora en el Ruta de la Plata con el gol del Dépor. Que no les haya pasado nada. 🙏 pic.twitter.com/fYPjwIfMEb
— Alberto Marcos Gallego (@albermg) January 26, 2022
É a quinta vitoria consecutiva do equipo de Borja Jiménez. Tres delas (contra a Leonesa, o Internacional e este do Zamora) colleitadas no minuto noventa.
