O Deportivo Abanca remonta diante do Eibar (2-1) para acadar a sétima vitoria

O Deportivo Abanca sumou unha gran vitoria en Riazor. Foi contra o Eibar, con remonta na primeira metade para sumar o sétimo triunfo da temporada.

Adiantouse o Eibar ós sete minutos co gol de Iara. Pero tardou dous minutos o Deportivo Abanca en igualar. Cun golazo de Espe Pizarro. Dous goles nos primeiros dez minutos en Riazor. E a piques de chegar ó descanso, Olaya poñía por diante ó equipo herculino que con ese resultado sumaba a sétima vitoria da temporada.