O croata Mavra, dúbida no Breogán para visitar o Manresa

O base croata Dominik Mavra é seria dúbida no Río Breogán para o partido que este sábado disputará na pista do Baxi Manresa por mor dun proceso vírico que lle impediu adestrar cos seus compañeiros. 

“Veremos como chega, porque estivo bastante mal. Aos poucos está a se recuperar, pero temos que esperar para ver se está en condicións normais”, explicou o técnico breoganista, Luis Casimiro.

Tamén falou da mellora no aspecto defensivo.

"Estamos facendo moi boa defensa e posiblemente non sexamos tan previsibles".

O preparador é máis optimista respecto á presenza do pivote serbio Dragan Apic, quen xa se reincorporou ao traballo co grupo tras perder as primeiras sesións da semana.