As F-100 garanten carga de traballo para o naval ferrolán durante 10 anos
A construción das cinco fragatas para a Armada española está xerando arredor de 10 mil postos de traballo directos, moitos na industria auxiliar
No sector falan dun "cambio de ciclo" e afirman que teñen garantida ocupación durante os próximos 10 ou 15 anos
A industria do naval en Ferrol vive un "cambio de ciclo económico" grazas ao contrato de construcción das cinco fragatas F-110 que renovarán a frota da Armada Española. Uns encargos que están xerando arredor de 10 mil postos de traballo directos, moitos na industria auxiliar.
O presidente da Confederación Empresarios de Ferrol, Cristóbal Dobarro, asegura que o sector está obtendo "os mellores rexistros de creación de empresas desde 2012", con niveis de ocupación "moi elevados" debido aos proxectos de obra nova de Navantia.
"Os proxectos de Navantia e a situación xeopolítica a nivel mundial fainos pensar que imos ter dez o quince anos con este elevado nivel de carga de traballo", explica Jorge Sanesteban, responsable de producción de INTAF.
Unha etapa de expansión que se apoia tamén na investigación tecnolóxica a carón da universidade, con moitas "tecnoloxías duais" no ámbito civil e militar, e que beneficiará tamén á industria naval de Vigo, que construirá cinco embarcacions de servizo para os arsenais.
Unha nova etapa prometedora para Galicia que chega da man do futuro da Defensa e do sector enerxético.
