O Concello de Ourol presume de legado indiano cun percorrido a dezasete edificacións
O paseo realízase nun autobús de época, no que un guía explica a historia de cada vivenda ou institución levantada polos emigrantes retornados de América
Nada mellor que un autobús de época para desprazarse a coñecer o legado indiano de Ourol.
Nun percorrido de arredor dunha hora anímase a coñecer a historia destas edificacións.
O guía José Ángel Paz explica que eran e seguen sendo "unhas casas moi diferentes ó que había pola zona, porque a idea era marcar precisamente o éxito do que conseguiran".
De Ourol partiron moitos veciños que deixaron a súa pegada tamén en institucións.
"Eles construían en cada parroquia donde creían que era moi necesaria a educación de nenos e nenas para que non sufrisen as penurias que eles tiveron que vivir cando se foron", manifesta Verónica Prieto, bibliotecaria en Ourol.
O percorrido turístico inclúe a visita a dezasete enclaves que para moitos visitantes son todo un descubrimento.
