Mondoñedo lanza un xogo para coñecer o patrimonio cultural da cidade
Consiste en facer un percorrido polos principais monumentos e contestar unha decena de preguntas sobre datos contidos na información turística de cada elemento
Os cuestionarios que forman parte da iniciativa “Descobre Mondoñedo xogando” están a disposición de quen o desexe. Hai que acertar polo menos seis das dez preguntas. A proposta supón deterse ante cada monumento.
"Tes que fixarte, non é so pasar por diante do monumento. Vai haber preguntas de inscripcións, de datas...", indica Anxo García, autor das preguntas.
"Máis ou menos tardas en far todo o percorrido trinta minutos, tampouco leva tanto e así tamén vas coñecendo espazos que moitas veces pasas por alto ", engade Patricia Otero, concelleira de Turismo.
O gañador recibe un diploma e un pequeño agasallo.
"A vila é moi bonita e seguro que ten moita historia que eu non coñezo. Con esas preguntas igual quedo con algo que non sabía", di un visitante que pasa estes días en Mondoñedo.
Veciños e comerciantes valoran a iniciativa que pon o foco no patrimonio mindoniense.
"É unha maneira de espertar o interese na xente máis moza."
"Paréceme interesantísimo xogar coa historia e descubrir unha cidade a través dun xogo."
"Este tipo de actividades vainos moi ben aos comerciantes."
Inicialmente o xogo orientouse a mozos, pero está aberto a todo tipo de persoas que demostren coñecer Mondoñedo.