O Concello da Rúa asegura que o punto limpo, que segue ardendo, non desprende toxicidade
O tenente de alcalde desmentiu a nube tóxica, xa que os residuos do punto limpo non son perigosos
O incendio, que tamén afectou a fábrica de Autoneum, está a ser extinguido
O tenente de alcalde da Rúa, Vicente Solarat, reiterou que o punto limpo do concello, a pesar de estar ardendo dende o día 15 de agosto, non desprende ningunha toxicidade.
O venres 15 o lume do incendio de Larouco excedeu o río Sil dende Petín. Nese momento afectou á fábrica Autoneum, provedora de Stellantis, e ao punto limpo, onde se refugan os residuos da empresa.
Agora, a extinción realízase con camións con terra, pois ata que chova non se pode acceder. É inabordable e inaccesible, segundo Solarat.
Ao tenente de alcalde preguntárolle pola existencia dunha gran nube tóxica, tema que desmentiu, asegurando que os refugallos non xeran toxicidade porque xa se realizaron varias analíticas e non son perigosos.
