Desaloxan unha das catro torres de Madrid por un incendio xa controlado

Os bombeiros do Concello de Madrid desaloxaron este martes a Torre Moeve, unha das plantas coñecidas como catro torres de capital española, tras declararse un incendio na planta 25 do edificio. 

Segundo informaron os servizos de emerxencias, o lume iniciouse nun cuarto técnico e quedou controlado pouco despois. Os traballadores foron evacuados arredor das 17:15 horas mentres unha intensa columna de fume visible desde distintos puntos da cidade. 

Ata o lugar desprazáronse  efectivos da Policía Nacional e do Samur-Protección Civil. Os servizos sanitarios atenderon dous traballadores por inhalación de fume e un viandante que sufriu unha crise de ansiedade. 

O delegado do Goberno en Madrid, Francisco Martín, asegurou que os equipos de emerxencia seguen pendentes da evolución da situación para garantir a seguridade das persoas e minimizar posibles danos. 

Segundo incendio en seis meses 

A Torre Moeve, anteriormente coñecida como Torre Cepsa, xa rexistrara outro incendio o pasado 15 de decembro, cando un lume nun transformador situado no soto obrigou a desaloxar preventivamente o edificio. Naquela ocasión tampouco se produciron feridos.