O Concello da Coruña pasa á acción, e os donos dos cans que non limpen serán sancionados

Nos últimos meses e desde a entrada en vigor da ordenanza que obriga os donos dos animais de compañía limpar a vía pública, o Concello da Coruña viña desenvolvendo unha campaña centrada en informar a poboación. Pero agora iniciou nunha nova etapa. O Concello sancionará aqueles que non recollan as deposicións dos seus animais ou non limpen con auga os ouriños.

A partir desta semana, a Policía Local xa está intensificando a vixilancia, incluso actuando de paisano. As sancións poden ir dos 100 aos 500 euros. Multas que poden mesmo chegar ata os 30.000 euros nos casos en que os donos sexan reincidentes.