O CIS Madeira renova por catro anos o convenio de colaboración coa Catedral de Santiago
Prolonga un traballo que nos últimos catro anos incluíu a restauración de pezas tan importantes como o baldaquino
O acordo para a conservación e a restauración dos elementos de madeira da Catedral de Santiago asinábano este venres a conselleira de Industria e o director da Fundación Catedral de Santiago.
Prolonga un traballo en común nos últimos catro anos que incluíu a restauración de pezas tan importantes como o baldaquino da catedral.
"Para nós é un auténtico pracer poder colaborar coa Fundación Catedral de Santiago e coa rehabilitación do patrimonio histórico e cultural de Galicia e dicir que os nosos técnicos van formar parte da mellor conservación e rehabilitación desta Catedral", di María Jesús Lorenzana, conselleira de Industria.
"Están a punto de empezar xa as estruturas de estada vistas da Torre do Reloxio e veremos automaticamente que hai que traballar coa madeira, hai que estudar e hai que ver cales son as mellores solucións para esas estruturas", engade Daniel Lorenzo, director da Fundación Catedral de Santiago.
