Comezan en Pontevedra as visitas guiadas ás Ruínas de San Domingos
Son de balde e permiten coñecer unha parte da historia de Pontevedra
Comezaron en Pontevedra as visitas guiadas ás Ruínas de San Domingos, un emblemático monumento do que, se cadra, queda moito por saber. A visita ofrece unha oportunidade única para coñecer a súa historia e poñelo en valor.
As Ruínas de San Domingos falan da súa historia nas visitas guiadas que acaban de comezar. A historia dun convento dominico fundado no século XIII. Datas, contexto e curiosidades conforman un relato patrimonial moitas veces descoñecido.
Son pouco máis de 30 minutos para coñecer de preto o declarado como primeiro monumento nacional de toda Galicia. Integradas na cidade cómpre mirar as Ruínas de San Domingos, parar, e tanto turistas coma pontevedreses, comprendelas e interpretalas nas súas, ata o 21 de outubro, visitas guiadas.
