O Celta non remontaba un partido desde maio de 2021

Co seu triunfo no campo do Betis (3-4), o Celta conseguiu por primeira vez esta tempada remontar un partido no que o seu rival adiantouse no marcador, unha misión que se lle resistía desde maio de 2021.

“Creo que o Celta non facía unha remontada desde hai moitos meses e esa é unha das cousas que máis valoro do partido”, destacou Carlos Carvalhal tras o triunfo no Benito Villamarín.

Non lle falta razón ao técnico portugués, xa que o conxunto celeste non levantaba un marcador adverso en liga desde o 16 de maio de 2021, cando un dobrete de Santi Mina permitiulle ao Celta derrotar ao Barcelona, que se adiantou no Camp Nou cun tanto de Messi.

A chegada de Carvalhal reactivou ao Celta. No que vai de ano xa suma tres vitorias (Elxe, Athletic e Betis), tantas como conseguira nas 14 primeiras xornadas disputadas en 2022 (Xirona, Cádiz e Betis). Ascendeu ao duodécimo posto, e ten unha renda de catro puntos sobre a zona de descenso.