O Celta Fortuna ten na man ser o campión de inverno da 1ª RFEF

Volve a Primeira Federación para pechar a súa primeira volta e trae rivais de altura para os nosos. O Arenteiro abrirá fogo en Espiñedo ante o Barça B. Un partido que poderán ver este sábado na G2.

Á mesma hora xogará o Lugo en desenvolvemento de Paulo Alves contra o Tarazona. O técnico portugués ten claro o obxectivo ante un equipo que ocupa postos de descenso. 

O domingo, o Celta Fortuna, defenderá o liderado ante o cuarto clasificado, o Nástic. Os de Claudio Giráldez queren ser campións de inverno. 

O Deportivo xoga ás 6 en León contra a Cultural, que ocupa a terceira posición a 5 puntos de distancia dos de Imanol Idiákez.