O Celta Fortuna inicia a Liga cun empate sen goles en Zamora

O filial do Celta comezou o seu novo proxecto con moitos cambios, pero con Fredi Álvarez no banco. Nesta primeira xornada sacou un empate co Ruta da Prata de Zamora. A primeira metade non deixou moitas accións destacadas, co equipo zamorano intentando levar o peso do xogo. No treito final o balón paseouse pola área de Coke, pero non atopou rematador.

Na segunda metade, Fredi Álvarez buscou un golpe de efecto coa entrada de Miller, e o Fortuna estirouse tímidamente nos primeiros minutos, pero Coke tivo que intervir axiña cun paradón para impedir o gol local. O Zamora volveu medrar nestes primeiros minutos, pero o filial gozou de boas ocasións. Primeiro un bo centro de Miller que non atopou a Álvaro Marín. Xusto a seguir, Marín marcaba sobre a saída de Sobrón, pero estaba en posición de fóra de xogo.

Na área viguesa meteuse pouco despois Carbonell, pero Burcio chegou xusto a tempo para evitar que armara a perna. O partido comezaba a rachar, xa que Ángel Arcos, que entrara pouco antes, gozou dunha boa ocasión que rematou arriba. O treito final deixou algunhas aproximacións máis, pero non goles. O Celta Fortuna suma o seu primeiro punto esta temporada.