O Celta resolve o trámite copeiro ante o Puerto de Vega (0-2)
Os vigueses non foron capaces de marcar ata a segunda metade
Óscar Marcos e Damián, de penalti, os goleadores celestes
Estrea co primeiro equipo do propio Óscar Marcos, Andrés Antañón, Pablo Meixús e Hugo González
@RCCelta
O Celta accedeu á segunda rolda da Copa do Rei tras derrotar en Navia o Puerto de Vega 0-2. Un partido que se lle atragoou ao conxunto vigués na primeira metade. Ao descanso chegouse coa igualada sen goles no marcador despois dunha primeira metade moi espesa do conxunto vigués onde soamente Miguel Román cun disparo que repeleu o traveseiro, levou algo de inquedanza á meta local. É máis. Os asturianos estiveron a piques de adiantarse na primeira metade nunha mala cesión de Aidoo a Iván Villar que case aproveita Davo.
No descanso Claudio Giráldez decidiu que debutara co primeiro equipo Óscar Marcos. E o prometedor xogador vigués respondeu anotando o gol que adiantaba ó Celta no marcador. Pouco despois Hugo Álvarez forzou un penalti que transformou Damián, deixando a eliminatoria practicamente sentenciada. O resto do partido serviu para as estreas co primeiro equipo de Andrés Antañón e Pablo Meixús e para que os vigueses tiveron varios achegamentos á área contraria que non souberon concretar.
