O Cangas despide unha gran temporada e as súas estrelas
O Cangas despide unha gran temporada e as súas estrelas
Perdeu no último partido da Asobal diante do Ademar León (32-33)
Dani Fernández, David Iglesias e Asensio marchan do club entre aplausos
O resultado do partido diante do Ademar León era o de menos. O Cangas Frigoríficos do Morrazo perdeu por 32-33 cun gol a dez segundos do final de Jaime Fernández.
O importante era dicirlle adeus dun bo xeito a unha temporada para a lembranza na que os de Cangas roldaron a zona alta da táboa clasificatoria e se clasificaron para a fase final da Copa. Tamén era día de despedidas: Dani Fernández e Carles Asensio vanse ao balonmán alemán e David Iglesias parte rumbo a Francia.
Foi unha despedida á altura. Iglesias anotou nove goles demostrando ser un dos mellores goleadores da Asobal. Dani fixo 3 e Asensio tamén anotou unha tripla.
Agora toca poñer os alicerces dun novo proxecto en Cangas. Co Cisne serán os dous representantes galegos na elite do balonmán español.