O Guardés cae na ida da EHF contra o Boden (30-28) e terá que remontar mañá (12h, G2)
As galegas mantivéronse en todo momento no partido, pero toparon coa porteira sueca Borjeson, un muro con 15 paradas
O partido de volta, que se volve disputar na Sangriña, verémolo tamén nesta casa
O Atlético Guardés comezou a súa andaina na EHF European League cunha derrota ante o Boden sueco. Derrota por dous goles que terán que remontar mañá no partido que veremos na G2.
Ó descanso chegouse cun 17-15 para as suecas que xogaron como locais este primeiro partido. Comezou gañando o equipo de José Ignacio Prades. Púxose 3 arriba, cunha actuación sensacional da eslovena Brasca Hautman. Pero remontaron as suecas grazas as transicións e á súa potente liña defensiva.
Na segunda metade as galegas toparon coa porteira Borjeson, decisiva con 15 paradas. Ela foi a responsable do 30-28 final que deixa todo aberto para mañá, nun partido que poderemos seguir na G2.
