O Barça deprímese ante un Cádiz que fai historia no Camp Nou (0-1)

O Barcelona, tocado aínda da eliminación europea, despediuse de maneira case definitiva do título de Liga ao caer contra o Cádiz (0-1), que conseguiu a primeira vitoria da súa historia no Camp Nou grazas a un solitario gol de Lucas Pérez que lle permite saír do descenso.

O Cádiz fixo historia no Camp Nou e, nun partido que incomodou ao Barça, acabou cunha xeira de quince xornadas sen coñecer a derrota en Liga do equipo azulgrá, que co liderado a 15 puntos só queda asegurar a clasificación para a liga de Campións.