O atacante racista de Buffalo transmitiu en directo o masacre
Matou dez persoas e feriu tres nun supermercado
O masacre racista de Buffalo, no extremo norte de Nova York, protagonizouno este mozo branco de 18 anos, identificado como Payton Gendron. Fortemente armado e con equipación militar, dirixiuse ata un barrio de maioría negra. Portaba unha cámara e foi transmitindo en directo a matanza na plataforma Twitch. Unhas imaxes de dureza extrema. Irrompeu nun supermercado e comezou a disparar indiscriminadamente. Matou dez persoas e feriu tres. Deles, once eran negros.
O Departamento de Xustiza de Estados Unidos está investigando o tiroteo como un crime de odio e un acto de extremismo violento por motivos raciais. O detido comparecerá mañá ante o xuíz. Polos cargos de homicidio en primeiro grao, enfróntase á cadea perpetua, xa que no estado de Nova York non existe a pena de morte.
Este novo masacre coincide coa guerra declarada polas autoridades de Nova York contra as armas de fogo, como reacción ao aumento alarmante de tiroteos durante a pandemia.
O presidente Biden fixo un chamamento á unidade para erradicar o odio en Estados Unidos.
Biden e a primeira dama viaxan mañá a Buffalo para transmitirlles as condolencias ás familias das vítimas.
