O arquivo-biblioteca da catedral de Santiago ten novo portal e catálogo en liña
Este fondo fotográfico está constituído por un total de 193 negativos en placas de vidro realizados entre 1894 e 1910 que foron restaurados, dixitalizados e catalogados en 2023
O arquiveiro da Catedral de Santiago, Francisco Buide, durante a presentación que realizou este luns da nova web e catálogo en liña do Arquivo da Catedral compostelá. EFE/Xoán Rey.
Representantes do arquivo-biblioteca da catedral de Santiago de Compostela presentaron este luns o seu novo portal de Internet e catálogo en liña tras case un ano de traballo.
O portal archivobiblioteca.catedraldesantiago.es ofrece aos usuarios ampla información sobre os fondos, actividades e publicacións do arquivo e da biblioteca, así como os seus catálogos en liña.
Está estruturada en tres grandes apartados, que comprende o de información xeral, fondos e coleccións, e servizos, e destaca o novo catálogo do arquivo desenvolvido mediante software libre de código aberto.
O sistema está baseado nos principais estándares de descrición arquivística, no que se poden consultar as catalogacións e mesmo imaxes de documentos como protocolos notariais dos séculos XV-XVIII, actas capitulares do século XVII, ou fotografas decimonónicas do sacerdote José Limia Rodríguez.
Este fondo fotográfico está constituído por un total de 193 negativos en placas de vidro realizados entre 1894 e 1910 que foron restaurados, dixitalizados e catalogados en 2023.
A empresa galega DataLib Servizos Documentais encargouse de desenvolver o portal da internet do arquivo e a biblioteca da catedral de Santiago de Compostela.
